Senat 2025 yilga mo‘ljallangan Davlat budjeti to‘g‘risidagi qonunni ma’qulladi.

Xususan, Qonunda 2025 yil uchun konsolidatsiyalashgan byudjet daromadlari 431,0 trillion so'm, xarajatlari esa 480,5 trillion so'm deb belgilangan bo'lib, vazifa shundaki, konsolidatsiyalashgan byudjet defitsiti YaIMga nisbatan 3% dan oshmasligi kerak.

Davlat byudjeti daromadlari 308,5 trillion so'm, xarajatlari esa 344,8 trillion so'mni tashkil etadi. Davlat maqsadli fondlarining daromad va xarajatlari (byudjetlararo transferlar hisobga olinmaganda) 66,4 trillion so'm va 62,8 trillion so'm miqdorida rejalashtirilmoqda.

Qonunda kelgusi yil uchun xarajatlarning ijtimoiy yo'nalishi saqlanib qolmoqda, Davlat byudjetining 52% yoki 177,7 trillion so'm ijtimoiy soha uchun ajratiladi.

Qonun muhokamasi davomida senatorlar byudjet daromadlarini oshirishga, byudjet mablag'larini maqsadli sarflashga alohida e'tibor qaratdilar va o'z fikrlarini bildirdilar.

2025 yilga mo'ljallangan Davlat byudjetidagi xarajatlarda qonun bilan ekologiya va tabiatni muhofaza qilish tadbirlariga 3,6 trillion so'm ajratilishi nazarda tutilgan, sog'liqni saqlash uchun 41,3 trillion so'm ajratilishi rejalashtirilgan, bu esa 2024 yilga kutilayotgan ijro bilan solishtirganda 19,8% ga ko'pdir.

Shuningdek, O'zbekiston Respublikasi Prezidentining farmonlari va qarorlari, Vazirlar Mahkamasining qarorlari bilan 2025 yilda mintaqalardagi dolzarb ijtimoiy muammolarni hal etish, mahallalar infratuzilmasini yaxshilash va davlat ahamiyatiga ega tadbirlarni amalga oshirish uchun mablag' ajratilishi ko'zda tutilmoqda.

O'z chiqishlarida senatorlar qonunda byudjet daromad bazasini kengaytirish, aholi uchun munosib yashash sharoitlarini yaratish, qashshoqlikni kamaytirish, ta'lim, sog'liqni saqlash va mahallalar infratuzilmasini takomillashtirish, shuningdek, tabiatni muhofaza qilishni rag'batlantirish masalalariga e'tibor qaratilganligini ta'kidlashdi.

Muhokama natijalari bo'yicha qonun senatorlar tomonidan ma'qullandi.