Senat 2025 yil uchun davlat byudjeti to'g'risidagi qonunni ma'qulladi.

Ikkinchi plenar yig'ilishda Sensat ko'rib chiqdi "O'zbekiston Respublikasi Davlat byudjeti to'g'risida" 2025 yil uchun qonuni.

Yig'ilish jarayonida "2025 yil uchun Davlat byudjeti to'g'risida" qonunining aholi farovonligini oshirish, qashshoqlikni kamaytirish, ijtimoiy soha xizmatlarining sifatini oshirish, yashil iqtisodiyot rivojlantirish va atrof-muhitni muhofaza qilishga qaratilganligi ta'kidlandi. Qonunga muvofiq, 2025 yilda inflyatsiya darajasi iqtisodiy sharoitlarni inobatga olgan holda 7% atrofida bo'lishi prognoz qilinmoqda.

Xususan, qonunda 2025 yil uchun konsolide byudjetning daromadlari 431 trillion so'm miqdorida belgilangan, xarajatlar esa 480,5 trillion so'm bo'lib, konsolide byudjetning defitsitini Yalpi ichki mahsulotga nisbatan 3% dan oshmasligi maqsad qilib qo'yilgan.

Davlat byudjetining daromadlari 308,5 trillion so'm, xarajatlari esa 344,8 trillion so'mni tashkil etadi. Davlat maqsadli fondlarining daromad va xarajatlari (byudjetlararo transferlarni hisobga olmaganda) 66,4 trillion so'm va 62,8 trillion so'm miqdorida rejalashtirilmoqda.

Qonunda kelgusi yil uchun xarajatlarning ijtimoiy yo'nalishi saqlanib qolmoqda, davlat byudjetining 52% yoki 177,7 trillion so'm ijtimoiy soha uchun sarflanadi.

Qonun muhokamasi jarayonida senatorlar byudjet daromadlarini oshirish, byudjet mablag'larining maqsadli sarflanishiga alohida e'tibor qaratdilar va o'z fikrlarini bildirdilar.

2025 yil uchun davlat byudjetining xarajatlarida ekologiya va tabiatni muhofaza qilish tadbirlari uchun 3,6 trillion so'm, sog'liqni saqlashga 41,3 trillion so'm ajratilishi rejalashtirilmoqda, bu esa 2024 yil uchun kutilayotgan ijro bilan solishtirganda 19,8% ga ko'proqdir.

Shuningdek, prezident farmonlari va qarorlari, Vazirlar Mahkamasining qarorlari asosida 2025 yilda mintaqalarda dolzarb ijtimoiy muammolarni hal etish, mahallalar infratuzilmasini yaxshilash va davlat ahamiyatiga ega tadbirlarni amalga oshirish uchun mablag'lar ajratilishi rejalashtirilmoqda.

Senatorlar o'z chiqishlarida qonunda byudjet daromadlarining kengaytirilishi, aholi uchun munosib yashash sharoitlarini yaratish, qashshoqlikni kamaytirish, ta'lim, sog'liqni saqlash va mahallalar infratuzilmasini yaxshilash, shuningdek, tabiatni saqlashni rag'batlantirish masalalariga e'tibor qaratilganligini ta'kidladilar.

Muhozakalar natijasida qonun senatorlar tomonidan ma'qullandi.